Saturday, May 29, 2021
Manjaadi and Me!
Friday, May 28, 2021
കിളി പോയി !
ചന്നം പിന്നം പെയ്യുന്ന ചാറ്റൽ മഴ!
ജോൺസൻ മാഷ്!
https://www.youtube.com/watch?v=vRfaF_fFpfI
https://www.youtube.com/watch?v=yCORvaXjmm4
കട്ടൻകാപ്പി ! കട്ടൻ ചായ വേണ്ട! വേണ്ട, വേണ്ടാത്തോണ്ടാ !
ബാൽക്കണിയിൽ ഇറ്റിറ്റു വീണു തെറിച്ചു വരുന്ന മഴത്തുള്ളികൾ!
രാത്രിമുല്ലയുടെ മാസ്മരഗന്ധം!
രാത്രിയിലേക്കൂളിയിടുന്ന സായാഹ്നങ്ങൾ, അതും വെള്ളിയാഴ്ച സായാഹ്നങ്ങൾ!
ആഹാ! അന്തസ്സ്!
എന്റെ മാതാവേ!
എന്റെ കിളികൾ എല്ലാം ഈ പോണ്ടിച്ചേരി തന്നെ വിട്ടു പറന്നു പോയോ! എല്ലാത്തിനെയും പിടിച്ചു കൂട്ടിൽ കയറ്റട്ടെ!
അത് പിന്നെ സോളമന്റേം സോഫിയെടേം പാട്ട് കേട്ടാൽ കിളി എങ്ങനെ പോകാതെ ഇരിക്കും??
ഏതൊക്കെ നാട്ടിൽ ജീവിച്ചാലും, മനസ്സിൽ കുറെ മലയാളിത്തങ്ങൾ ഉണ്ടാവും മലയാളിക്ക്!
പണ്ടാരോ പറഞ്ഞ പോലെ - നമ്മളൊക്കെ പൊട്ടീതും പൊളിഞ്ഞതും ആണാണെന്നേ - എന്നാലല്ലേ കുറച്ചു വെളിച്ചം കേറുള്ളു ...എത്ര ശരിയാണത്!
അപ്പൊ ഈ മഴയും വെള്ളിയാഴ്ചയും ജോൺസൻ മാഷും കട്ടൻ കാപ്പിയും തരുന്ന വെളിച്ചങ്ങൾ ഒരു ഒന്നര കിക്കല്ലേ!
വീണ്ടും കുത്തിക്കുറിക്കാൻ തോന്നിയത് നന്നായി!
Being able to fill your soul for yourself is tremendously beneficial!
Wednesday, May 26, 2021
ഇമ്മിണി വല്യ ഇഷ്ടം!
പഴശ്ശിയുടെ ആയുധമുറകൾ കമ്പനി കാണാൻ കിടക്കുന്നെ ഉള്ളു എന്ന് പറഞ്ഞ പോലെ, ചില പാട്ടുകളോടെനിക്കുള്ള ഇഷ്ടം നിങ്ങൾ കാണാൻ കിടക്കുന്നതെ ഉള്ളു!
കണ്ടും കേട്ടും ഈ ഫ്ലാറ്റിൽ ഉള്ളവർ പണ്ടാരമടങ്ങി കാണും!!! ഇനിയും കാണാൻ കിടക്കുന്നതെ ഉള്ളു ബാക്കി കൂടെ! ഇവിടെയുള്ള തമിഴ് അയൽവാസികൾക്കൊക്കെ ചിലപ്പോ നമ്മുടെ മലയാളം പാട്ടൊക്കെ മനഃപാഠം ആയിട്ടുണ്ടോ എന്ന് എനിക്കൊരു സംശയം ഇല്ലാതെയില്ല !
ഈ "ലോക്ക്ഡൗൺ ലോക്ക്ഡൗൺ" എന്ന് കേട്ടപ്പോൾ ഇത്രക്കങ്ങോട്ടു കരുതീലമ്മിണ്യേ!
അപ്പൊ പറഞ്ഞു വന്നത് വേറെ ഒന്നും അല്ല - ജോലി ഒക്കെ ആവശ്യത്തിനും ആവശ്യത്തിൽ കൂടുതലും ഉണ്ടെങ്കിലും നമുക്ക് "മി ടൈം" വേണോലോ! രാവിലെ പാട്ടുപെട്ടി അങ്ങട് തുറക്കും. തുറന്നാൽ പിന്നെ ഒരു പാട്ട് തന്നെ ഒരു നൂറു തവണ കേൾക്കും.
വട്ടാണല്ലേ?- എന്ന് നിങ്ങൾക്കു തോന്നും!
അതെ! വട്ടാണ്!
ചില പാട്ടുകൾ ആണ്!
നമുക്കെത്ര കേട്ടാലും മതിവരില്ല.
പാട്ടുകൾ കേട്ട് തുടങ്ങിയ കാലം തൊട്ടു ഇഷ്ടമുള്ള ഒരു പാട്ടാണിത്.
https://www.youtube.com/watch?v=OGc-dDHhNm8
പണ്ട് കേട്ടപ്പോൾ വരികൾ ഇത്ര അങ്ങോട്ട് ശ്രദ്ധിച്ചില്ല എന്ന് തോന്നുന്നു !
എന്റെ സാറേ! ചുറ്റുമുള്ളതൊന്നും കാണുന്നില്ല! കേൾക്കുന്നില്ല!
എന്താ വരികൾ! വേറെ ഏതോ ലോകത്തു പോയത് പോലെ തോന്നി കുറെ നേരം!
മെഡുല്ല ഒബ്ലാങ്കെട്ട നിറച്ചു ഇപ്പോ ഇത് മാത്രേ ഉള്ളു!
എനിക്കൊരു കാര്യം മനസിലായി - എനിക്ക് ഇടക്കിക്കിടക്കു എഴുതാൻ തോന്നുന്നത് എന്താണെന്ന്.
ദേ ദിത് നോക്കിയേ -
---പറയാതെ കൊക്കിൽ ഒതുക്കിയതെല്ലാം
വിരലിന്റെ തുമ്പിൽ തുടിച്ചുനിന്നു---
വിരലിന്റെ തുമ്പിൽ നിന്ന് നേരെ ടൈപ്പിംഗ് ബോഡിലോട്ടു പോയി.
ദേ, ദിവിടെ പോസ്റ്റ് ആയി വന്നു!
ശുഭം!
Tuesday, May 25, 2021
നിശീഥിനി
കാര്യം നമ്മൾ "തമസോമ ജ്യോതിർഗമയ' എന്നൊക്കെ പറയുമെങ്കിലും എനിക്കിഷ്ടം "വെളിച്ചം ദുഖമാണുണ്ണി തമസ്സല്ലോ സുഖപ്രദം!" ആണ്.
എന്തോ!
പണ്ടേ
എനിക്കിഷ്ടമാണ് നിശീഥിനിയും അവളിലെ ഇരുണ്ട നിറങ്ങളും.... നിശബ്ദതയും , പിന്നെ എപ്പോഴോ അതിലൂടെ എന്നെ തേടി വന്ന ഏകാന്തതയും ഒക്കെ !
ലാലേട്ടൻ പറയുന്ന പോലെ - അതങ്ങനെ തന്നെ - അത്രേ ഉള്ളു!
എന്തൊക്കെ ആണെങ്കിലും
-രാത്രിയുടെ പാട്ടുകൾ
-രാത്രികൾക്കു മാത്രം എനിക്ക് തരാൻ
പറ്റുന്ന കുറെ ചിന്തുകൾ
-രാത്രിയുടെ നിശബ്ദസംഗീതം
-രാത്രിമുല്ലകൾ, രാത്രിയിൽ വിരിയുന്ന പൂക്കൾ
- ഇതൊക്കെ എപ്പോഴും ആത്മാവിന് പ്രിയപ്പെട്ടതാകുന്നു .....
ഞാനുള്ള കാലം വരെ ഒരു പക്ഷെ എന്നിൽ നില്കുന്നവ!
ആർത്തലച്ചു ഭൂമിയിലേക്ക് വരുന്ന മഴയയുടെ തീഷ്ണത ഉണ്ട് എനിക്ക് നിശീഥിനിയോടുള്ള പ്രണയത്തിൽ!
ഇന്നിപ്പോ എന്താ ഇതൊക്കെ ഇങ്ങനെ മനസ്സിൽ കേറി ഇറങ്ങുന്നേ എന്ന് ഞാൻ ചോദിച്ചപ്പോൾ എനിക്ക് കിട്ടിയ ഉത്തരം ആണ് ഈ പാട്ട്! ഇത് ഇന്നലെ കേട്ടപ്പോൾ തൊട്ടാകും എനിക്ക് എഴുതാൻ തോന്നിയത്.
https://www.youtube.com/watch?v=Uo_c1gCESbo
പണ്ടേ ഇഷ്ടമുള്ള സിനിമ - അത് പോലെ ഇഷ്ടമുള്ള പാട്ടുകളും ...എങ്കിലും ഇതിനോടരൽപ്പം ഇഷ്ടക്കൂടുതൽ ഉണ്ടല്ലോ!
കാരണം
- നിശീഥിനി